ЎзДЖТСУда самбо мураббийлари учун ФИАС семинари бошланди

4-6 июнь кунлари ташкил этилган баҳсларда қитъамизнинг 16 мамлакатидан 350 нафарга яқин спортчи иштирок этди.

Чемпионат якунига етгач, бугун Чирчиқдаги Ўзбекистон давлат жисмоний тарбия ва спорт университетида самбо мутахассисларини малакасини оширишга бағишланган семинар бошланди.

Семинарни Халқаро самбо федерацияси (ФИАС) техник комиссияси вакили Дмитрий Максимов олиб бормоқда. Семинарда Ироқ, Афғонистон ва Ўзбекистон мамлакатларидан мураббийлар қатнашишмоқда. Бугун ўтказилган назарий дарсларда самбо бўйича Ўзбекистон терма жамоа бош мураббийи Роман Шакиров, университет ректори, профессор Маҳмуджон Болтабаев, Халқаро кураш турлари назаряси ва услубияти кафедраси мудири Шухрат Арслонов, доцент Эрлан Байтураевлар иштирок этди.

Бугун назарий дарслар ўтказилган бўлса, эртага мураббийлар амалий машғулотларда қатнашишади. Шундан сўнг имтиҳонлар ташкил этилади. Имтиҳонлардан муваффақиятли ўтган мутахассисларга Халқаро самбо федерацияси (ФИАС)нинг махсус сертификати берилади.