«Ўзини ҳурмат қилган боксчи бунча ифлосликдан кейин фаолиятини давом эттиролмайди» - қозоғистонлик жаҳон чемпиони карьерасини якунлади

Бокс бўйича Қозоғистон терма жамоаси вакиласи Надежда Рябец 23 ёшида фаолиятини якунлаганини маълум қилди.

«Фаолиятимни тугатдим... Ҳа, мен ҳақиқатан ҳам бу масалани бир муддат четга суриб қўйдим, ҳаётимнинг энг яхши йилларини йўқотишни хоҳламайман. Мен бу ҳаётни шу ерда ва ҳозир яқинларимнинг ёнида яшашни хоҳлайман.

2023 йил мен учун ҳал қилувчи йил бўлди. Менга спорт билан хайрлашиш қийин эди. Бунга спортчига бўлган даҳшатли муносабат, бузиш жуда қийин бўлган ушбу тизим ичидаги тартибсизлик таъсир кўрсатди.

Ҳозирги бошқарув менинг 8 йиллик профессионал фаолиятимдаги энг ёмони.

Бир қизни жамоадан чиқариб юборишди. Яна бири фуқаролигини ўзгартирди ва бошқа мамлакат номини ҳимоя қилмоқда, лекин мен шунчаки кетишга қарор қилдим ва улар менга бу ишни амалга оширишимда «кўмаклашишди». Ҳеч бир ўзини ҳурмат қиладиган спортчи бунча ифлосликдан кейин фаолиятини давом эттирмайди.

Ҳозир мен кундан-кунга ривожланиб, ҳаётимни яхшилаяпман.

Балки тартиб бўлганда спортга қайтарман», - деди Надежда.

Эслатиб ўтамиз, 23 ёшли Надежда Рябец уч карра Қозоғистон чемпиони, шунингдек, ўсмирлар ўртасида жаҳон чемпиони ҳисобланади. Бундан ташқари, у 2018 йилда ўсмирлар Олимпия ўйинларида бронза медалини қўлга киритган.