22 мар 09:21
Янгиликлар
Бокс/ММА
Пакьяо машҳур промоутери билан шартномани бекор қилди
Филиппинлик бокс афсонаси Мэнни Пакьяо Top Rank промоутерлик компанияси раҳбари Боб Арум билан ҳамкорликни тўхтатди.
Саккиз вазн тоифасида собиқ жаҳон чемпиони энди ишларини ўзи юритади. Бу ҳақда боксчининг адвокати Элдибрандо Виэрнесто хабар берди.
“Мен Пакьяонинг янги шартномасини кўрдим ва айтишим мумкинки, энди унинг ўзи ишларини юритади. Бундан буён Боб Арумнинг Пакьяога ҳеч қандай алоқаси бўлмайди”, – деди Виэрнесто.
Аввалроқ Пакьяо 20 йилга яқин ҳамкорликда ишлаган мураббийи Фрэди Роучнинг хизматларидан воз кечганди. Ҳозирда филиппинлик боксчини кейинги жангга Буб Фернандес, Нона Фери ва Рожер Фернандес тайёрлаяпти. Мэнни 24 июнь куни Малайзияда Лукас Матиссега қарши рингга чиқади.
Ҳавола :
Фикрлар