Пакьяонинг рафиқаси Мэннига таъсирли мурожаатини эълон қилди

«Менинг қадрли турмуш ўртоғим, Мэннига!

Сиз билан фахрланаётганимни сўз билан ифодалашнинг иложи йўқ. Мен сизнинг рафиқангиз эканимдан фахрланаман. Сиз мен ва бизнинг болаларимиз учун бутун бир дунёсиз. Биз сизни жуда яхши кўрамиз. Биз сиз жаҳон чемпиони бўлишни орзу қилганингизда, қанча меҳнат қилганингизни, қурбон қилганларингизни, қонли тер ва кўз ёш тўкканингизга гувоҳмиз.

Сиз ҳеч қачон фақат ўзингиз ҳақингизда ўйламайсиз ва рингда ҳаётингизни қайта-қайта хавф остига қўйишдан қўрқмайсиз, чунки сиз одамларни бахтли қилишни яхши кўрасиз. Сиз Яратганнинг инояти билан биз тасаввур қилганимиздан ҳам кўпроқ нарсага эришдингиз. Шунга қарамай, энг зўр бўлиш учун ишлашдан тўхтамайсиз.

Йиллар давомида биз сиз билан бирга эканимиздан фахрланамиз, чунки сиз ҳаммага меҳрибон ва ёрдамчи бўлишга ундайсиз. Боксдаги рекордларингиздан ҳам кўпроқ - сизнинг Худога бўлган севгингиз, Каломга бағишланганлигингиз ва Исони ҳар бир учрашган одам билан бўлишиш истаги бизни янада кўпроқ ҳайратга солади.

Рингда ғалаба қозонинг ёки мағлуб бўлинг - сиз қалбимизнинг абадий чемпионисиз! Бутун дунёдаги мухлисларга Мэннини севганингиз учун миннатдорчилик билдираман. Улар сизни ўйлаганингиздан кўра кўпроқ севади.

Сиз қиролсиз! Сиз учун жонимизни фидо қилишга тайёрмиз. Биз сизни севамиз! Биз сизни ҳурмат қиламиз ва ҳамма нарса учун миннатдормиз!» – дея постини якунланае Женки Пакьяо.