"Pantera Sport" дзюдо клуби фаолиятига назар

Бугун биз пойтахтимиздаги "Пантера Спорт" ("Pantera Sport") клуби ҳақида ҳикоя қиламиз. Ушбу дзюдо тўгарагига 2013 йилда Комил Тожиев томонидан асос солинган. Клуб тарбияланувчилари ўтган давр мобайнида юртимиз ҳамда хорижда ўтган мусобақаларда ғолиб ва совриндорлар сафидан жой олган. 

Ушбу дзюдо тўгарагини ташкил этишдан кўзланган асосий мақсад - маҳаллий ёшларни дзюдо спорт турига қизиқтириш, уларнинг бўш вақтларини мазмунли ташкил этишдан иборат. Бугунги кунда клубда 200 нафарга яқин болалар дзюдо сир-асрорларини ўрганишяпти. Улар орасида қиз болалар ҳам бор.