Пара каноэчиларимиз Жаҳон чемпионатини иккита медал билан якунлашди

Дунёнинг 34 мамлакатидан жами 185 нафар атлетлар баҳс олиб борган нуфузли мусобақада Ўзбекистон терма жамоаси аъзолари ҳам муваффақиятли иштирок этишди. Аввалроқ, турнирнинг учинчи куни давомида Тўрабек Назарқулов VL3 дастурида кумуш медалга эга чиққани ҳақида хабар бергандик.

Кечаги финаллар давомида терма жамоамизнинг яна бир аъзоси Азизбек Абдулхабибов KL2 дастурида стартга чиқиб, маррага 44.22 сонияда етиб келди. Бу бронза медали учун етарли бўлди ва ҳамюртимиз шоҳсупадан жой олди.

1. Девид Филипссон (Буюк Британия)

2. Кристиан Волпи (Италия)

3. Азизбек Абдулхабибов (Ўзбекистон).

Шундай қилиб, Ўзбекистон терма жамоаси пара каноэда эшкак эшиш бўйича Жаҳон чемпионатини 1 та кумуш ва 1 та бронза медали билан ниҳоясига етказди. Маълумот ўрнида, вакилларимиз сўнгги икки Жаҳон чемпионатида биттадан бронза медалига эга чиқиб келаётганди.