Пара таэквондочиларимиз Осиё чемпионатида биринчи бўлишди

Қитъамизнинг 22 та мамлакатидан жами 180 нафарга яқин атлетлар иштирок этган мазкур нуфузли мусобақада Ўзбекистон миллий терма жамоасининг 17 нафар вакили ҳам медаллар учун баҳс олиб борди.

Қувончлиси, навбатдаги Паралимпия ўйинлари учун муҳим рейтинг очколарини улашувчи ушбу Осиё чемпионатида юртдошларимиз 3 та олтин, 4 та кумуш ва 3 та бронза, жами 10 та медални қўлга киритган ҳолда умужамоа ҳисобида биринчи бўлди ва яна бир бор қитъамизнинг энг кучли жамоаларидан эканини исботлади.

Осиё чемпионатининг ғолиб ва совриндор пара таэквондочилари:

Олтин:

Зуҳриддин Тоҳиров (63 кг)

Умида Мамаражабова (52 кг)

Розия Эргашева (65 кг).

Кумуш:

Муҳаммадсодиқ Усмонов (58 кг)

Асадбек Тоштемиров (+80 кг)

Қизлархон Исомиддинова (47 кг)

Каромат Рустамова (52 кг).

Бронза:

Қудрат Ҳайдаров (63 кг)

Қудратилло Суннатов (70 кг)

Сўғдиёна Нормўминова (+65 кг).