09 мар 13:57
Янгиликлар

Олимпия ўйинлари

Паралимпиада-2018. Ўзбекистонлик спортчининг иштироки қачонга мўлжалланган?

Бугун Жанубий Кореянинг Пхёнчхан шаҳрида XII қишки Паралимпия ўйинлари бошланди.

Ушбу ўйинларда ўзбекистонлик спортчи Ёқутхон Ҳолбекова ҳам иштирок этиши ҳақида хабар қилгандик.

Миллий олимпия қўмитаси чанғи пойгалари баҳсларида иштирок этадиган спортчимизнинг иштироки қачон бўлишига ойдинлик киритди. Ҳамюртимизнинг илк старти 12 март кунига мўлжалланган. Ўша куни Ёқутхон 15 км масофага бўладиган чанғи пойгаларида қатнашади. 14 март куни у 1,5 км масофали спринт баҳсларида иштирок этади. 17 март куни эса Холбекова 7,5 км масофага классик пойга баҳсларида ўз омадини синаб кўради.