Паралимпия ўйинларида медаллар сифати бўйича тарихдаги энг яхши натижа қайд этдик!

Ўзбекистон делегацияси 9 та олтин, 8 та кумуш ва 6 та бронза медали билан ўз тарихидаги энг яхши натижани янгилаб улгурди.

Маълумот учун, Ўзбекистон делегацияси Токио-2020 Паралимпия ўйинларида 19 та (8 та олтин, 5 та кумуш, 6 та бронза) медаль билан дунёнинг 162 давлати орасида умумжамоа ҳисобида 16-ўринни эгаллаган эди. Ўшанда юртимиз шарафини 55 та лицензия қўлга киритган 48 нафар спортчимиз юртимиз шарафини ҳимоя қилган эди. 

Ҳали олдинда пара енгил атлетика, пара дзюдо, пара сузиш, пара пауэрлифтинг, пара велоспорт ва пара каноэ бўйича спортчиларимизнинг иштироки давом этади. Ушбу дастурларда ҳам юртимизнинг матонатли спортчиларидан янги ғалабалар кутиб қоламиз.