Параосиё ўйинлари. 21та медал билан умумжамоа ҳисобида 3-ўриндамиз!

Мусобақанинг навбатдаги кунидан сўнг Ўзбекистон миллий паралимпия терма жамоаси 42 давлатдан келган 6000дан зиёд спортчилар орасида умумжамоа ҳисобида 3-ўринни эгаллаб турибди. 

Спортчиларимиз 4та спорт туридан муносиб иштирок этиб, битта жаҳон рекорди ва 3та Параосиё ўйинлари рекордини янгилашга муваффақ бўлишди. 

Ҳамюртларимиз қуйидаги натижаларга эришишди:

1. Енгил атлетика спорт тури бўйича Ўзбекистон миллий паралимпия терма жамоаси 6та олтин ва 1та бронза медалиниқўлга киритишди. Ҳусниддин Норбеков томонидан жаҳон рекорди ўрнатилди.

2. Дзюдочиларимиз томонидан 2та олтин, 1та кумуш ва 1та бронза медали қўлга киритилди.

3. Пауэрлифтинг спорт тури бўйича паралимпиячиларимиз илк бор иштирок этишияпти ва улардан Роза Кузиева Параосиё ўйинлари рекордини ўрнатиб, олтин медалга сазовор бўлди.

4. Сузиш бўйича терма жамоамиз ҳам юқори натижаларни қўлга киритди. Улар 2та олтин, 2та кумуш ҳамда 1та бронза медалига сазовор бўлишди. Шунингдек, 2та Осиё рекордини ҳам янгилашди. 

Ўзбекистон терма жамоаси бугунги баҳслар олдидан 13та олтин, 5та кумуш, 3та бронза, жами 21та медал билан учинчи ўринни эгаллаб турибди. Иккинчи поғонадан жой олган Жанубий Корея терма жамоаси бизга нисбатан битта кўп олтин медалга эга.