11 ноя 11:37
Янгиликлар
Бокс/ММА
Париж-2024 Олимпиадаси совриндори проф боксга ўтди
Парижда бўлиб ўтган ёзги Олимпия ўйинларининг яримоғир вазн тоифасида бронза медали совриндори Кристиан Хавьер Пиналес энди проф боксда жанг қилади.
Доминикалик 24 ёшли боксчи Американинг Split-T Management промоутерлик компанияси билан шартнома имзолагани ва профессионал боксдаги дебют жангини 2025 йил бошида ўтказишини маълум қилди.
"Мен Дэвид Макуотер [Сплит-Т бош директори] ва Трифон Петров билан шартнома имзолаганимдан жуда мамнунман. Улар кўплаб жаҳон чемпионлари, камар учун даъвогарлар ва бокс оламидаги ажойиб алоқаларга эга. Улар билан ишлаш фаолиятимга катта туртки бўлади", деди Пиналес.
Эслатиб ўтамиз, Пиналес бронза медалини қўлга киритган 80 кг вазн тоифасидаги Париж Олимпиадаси беллашувларида Ўзбекистон шарафини Тўрабек Ҳабибуллаев ҳимоя қилган эди.
Ҳавола :
Фикрлар