Париж-2024: Толибон Афғонистон терма жамоасидаги спортчи хотин-қизларни тан олмайди

Умумий ҳисобда Афғонистон терма жамоаси таркибига 6 нафар спортчи бор - уч нафар эркак, уч нафар аёл. 

Толибон раҳбарияти фақатгина уч нафар эркак спортчини тан олишини айтди.

"Афғонистон номидан фақатгина уч нафар спортчи иштирок этади. Айни пайтда Афғонистондаги аёллар спорти тўхтатилган. Агар хеч ким аёллар спортида иштирок этмаса, қандай қилиб улар терма жамоа аъзоси бўлиши мумкин?", - деди Толибоннинг спорт ишлари бўйича вакили Атал Машвани.