Хаби Алонcони "Реал"да нималар кутаётгани маълум бўлди

Бироқ испан ОАВ хабар беришича, клуб президенти Флорентино Перес кескин қадамлар ташлаш ниятида эмас. Манбаларга кўра, "Реал" раҳбарияти ҳозирча Хаби Алонсони ишдан бўшатишни режалаштирмаяпти, аммо унинг кейинги тақдири навбатдаги ўйинлар натижаларига бевосита боғлиқ бўлади.

Клубда вазият таранг эканини яхши тушунишмоқда: жамоа "Барселона"дан учта гол ўтказиб юбориб, Суперкубокни бой берди ва ўйинга нисбатан саволлар кўпаймоқда. Шунга қарамай, Перес ҳиссиётга берилган қарор қабул қилмасликка ва мураббийга вазиятни ўзгартириш учун имконият беришга қарор қилди.

Айни пайтда мадридликларнинг аҳволи қуйидагича: Ла Лигада жамоа 45 очко билан иккинчи ўринда бормоқда ва "Барселона"дан 4 очкога ортда. Чемпионлар Лигасида эса жамоа 12 очко билан еттинчи поғонани эгаллаб турибди.

"Реал"нинг навбатдаги учрашуви Испания Кубогининг 1/8 финали доирасида "Альбасете"га қарши бўлиб ўтади.