Виктория Дудакова илк уринишдаёқ Open FC чемпиони бўлди

Россиялик аралаш яккакураш устаси UFC’ни тарк этганидан сўнг илк жангини ўтказди ва биринчи раунддаёқ Садаф Каюмовани бўғиш усули билан таслим этди. Дудакова вазифани икки дақиқа-ю бир сонияда уддалади. У рақибасини қўл учбурчаги ёрдамида ухлатиб қўйди. Жанг олдидан 4:1 кўринишидаги рекордга эга Каюмова учун бу фаолиятидаги иккинчи мағлубият бўлди.

Ғалабадан сўнг Дудаковага енгил вазн тоифасида Open FC чемпионлик камари, шунингдек, ҳомийдан 100 минг рубль миқдорида бонус топширилди. Виктория бундан аввалги жангини бир йил аввал - 2025 йилнинг январь ойида UFC Fight Night 249 турнири доирасида Фатима Клайнга қарши ўтказиб, иккинчи раундда техник нокаут эвазига ютқазиб қўйганди. Унинг ҳисобида 9 ғалаба ва 2 мағлубият бор. Каюмова эса 2025 йилнинг ноябрида DMV 1 x Bears FC 10 турнирида Арпин Мехрабянни биринчи раунддаёқ техник нокаутга учратганди.