Крикет. ЎКФ вакиллари Афғонистонда ўтказилган ҳакамлик семинарида иштирок этди

Шу боис, Ўзбекистон крикет федерацияси раиси Азиз Михлиев, крикет бўйича Қашқадарё вилояти масъул вакили Дилшод Норбоев, Самарқанд вилояти бўйича масъул вакили Элбек Нарзуллаев ҳамда Тошкент шаҳри бўйича вакили Сардор Хожимуродовлар 22-24 декабрь кунлари Афғонистоннинг Қобул шаҳрида ўтказилган икки кунлик ҳакамлик (ўйин назоратчиси) ўқув семинарида иштирок этишди. 

Афғонистон крикет кенгаши билан ҳамкорликда ташкил этилган мазкур ҳакамлик ўқув — семинарида бир гуруҳ крикет  мутахассислар ўйинларини қандай ташкил этиш, назорат қилиш, ўйин сифатини ошириш каби мавзуларда тажриба алмашишди. 

Халқаро крикет кенгаши (ICC) ҳаками Граем Фредрек раҳбарлигида бўлиб ўтган ушбу ўқув — семинардан кўзланган асосий мақсад — миллий ва халқаро мусобақалар учун  малакали  ҳакамларни тайёрлашдан иборат бўлди.

Шунингдек, ЎКФ раиси Азиз Михлиев Афғонистон крикет кенгаши раиси Мирваис Ашраф билан крикет спорт турини ҳар томонлама юксалтириш борасидаги ҳамкорлик масалаларни ҳам муҳокама қилишди. 

Таъкидлаш жоиз, яқинда Афғонистон крикет кенгаши Ўзбекистон крикет федерацияси билан Тошкентда крикет спорт турини ривожлантиришга оид меморандум имзолаган эди. Демак, имзоланган келишувга мувофиқ ҳамкорлик ишлари бошлаб юборилган ва бу саъй-ҳаракатлар юртимизда крикет спорт турини кенг оммалашишига хизмат қилади.

Илҳом РАҲМОНОВ тайёрлади