"Тўлқин Қиличев бўлганида ҳам бу тушунарли бўларди". Қозоғистонда бокс терма жамоасида мураббий алмашганига муносабат билдиришди

Эслатиб ўтамиз, бир неча кун олдин Қозоғистон эркаклар бокс терма жамоасида Қайрат Сатжанов ўрнига Нуржан Насанов бош мураббий этиб тайинланганди. 

"Агар Қайрат Сатжанов ўрнига Тўлқин Қиличев келса, бу тушунарли бўлар эди. Ўзбекистон — жаҳон боксида гранд: Олимпия ўйинларида бешта олтин медаль, жаҳон чемпионатида олтита олтин медаль… Бундай ҳолатда қўшимча изоҳ беришга ҳожат ҳам қолмасди: ҳозирги кунда дунёдаги энг яхши мураббий — Тўлқин Қиличев — Қозоғистон терма жамоасини бошқарди. Шароит яратиб беришарди… Лекин ҳозир кимни қўйишяпти? Ёшлар жамоасида ҳам иш тажрибаси йўқ инсон — шунчаки шахсий мураббий", — деди Сергазин.

Эслатиб ўтамиз, Тўлқин Қиличев 2022 йилдан бери Ўзбекистон эркаклар бокс терма жамоаси бош мураббийи сифатида фаолият олиб бормоқда.