Рафинья: "Агар Флик келмаганида, мен "Барса"дан кетган бўлардим. У ҳаммасини ўзгартирди"

"Бу мавсумдаги энг яхши онларимми? Мен ҳеч қачон буни энг яхши онларим деб айтмасдим, чунки ўзимга нисбатан талабчан инсонман. Айта оладиганим шуки, мен ҳар доим жамоа учун бор кучимни беришга интилганман — ҳимояда ҳам, ҳужумда ҳам ёрдам беришга ва қўлимдан келган барча нарсани қилишга ҳаракат қиламан.

Жамоамизда кўплаб ёш футболчилар бор… Шунақа фикрлаш ва доим ғалабага интилиш — клуб учун жуда муҳим. Биз совринлар учун курашамиз. Сен бу футболкани кийган экансан, асосий мақсадинг совринларни қўлга киритиш бўлиши керак… Биз буни яхши уддалаяпмиз.

Бугунги кунда энг муҳими — жамоа иккинчи таймга тўлиқ жамланган ҳолда қайтгани... Биз қилишимиз керак бўлган ишни бажардик. Агар Ханси Флик келмаганида, мен "Барса"дан кетган бўлардим. У ҳаммасини ўзгартирди. У менга муҳим футболчи бўлишимни айтди. Футболчига айнан шу керак — ишонч", – деди 29 ёшли бразилиялик футболчи.

"Реал"га қарши ўйинда Рафинья дубль қайд этди, жумладан ғалаба голини ҳам урди ва учрашувнинг энг яхши футболчиси деб топилди.