05 ноя 18:02
Янгиликлар

Теннис

Париж "Мастерс". Жоковичнинг 1/2 финалдаги рақиби маълум

Дунёнинг бешинчи ракеткаси Стефанос Циципас Париж "Мастерс" турнирининг ярим финал иштирокчисига айланди.

Грециялик теннисчи 78 дақиқа давом этган чорак финал баҳсида ATP рейтингида 31-поғонада бораётган америкалик Томми Полни 6/2, 6/4 ҳисобида таслим этди.

Теннисчиларнинг ўзаро учрашувларидаги ҳисоб 3:0 кўринишига келди. Циципас 2 та эйс зарбани амалга ошириб, 1 та қўшхатога йўл қўйган. Энди у финал чиптаси учун дунёнинг еттинчи ракеткаси, сербиялик Новак Жоковичга қарши кортга чиқади.