15 июн 13:52
Янгиликлар

Дзюдо

Париж Олимпиадасида Диёра Келдиёровага ютқазган Ута Абе 24 ёшида беш карра Жаҳон чемпионига айланди

Будапештда (Венгрия) дзюдо бўйича катталар ўртасидаги Жаҳон чемпионати ўтказилмоқда.

Мусобақанинг кечаги кунидан ўрин олган беллашувлар доирасида Япония терма жамоасининг 52 кг вазн тоифасидаги аёл дзюдочиси Ута Абе барча рақибларидан устун келган ҳолда олтин медалга эга чиқди.

Унинг акаси Хифуми Абе (66 кг) эса бронза медалини қўлга киритди.

Шундай қилиб, 24 яшар Ута Абе беш карра Жаҳон чемпиони мақомига эга бўлди. Ёдингизда бўлса, у Париж Олимпиадасида ўзбекистонлик Диёра Келдиёровага мағлуб бўлган, Келдиёрова якунда чемпионликни нишонлаганди.