05 ноя 07:58
Янгиликлар

Теннис

Paris Masters. Жоковични мағлуб этган Хачанов чемпион бўлди

Франция пойтахти Париж шаҳрида теннис бўйича “Мастерс” сериясига кирувчи нуфузли турнир якунланди.

Соврин жамғармаси деярли 4,9 миллион еврони ташкил қилувчи мусобақада кутилмаган натижа қайд этилди. Ҳал қилувчи финал учрашувида дунёнинг 18-ракеткаси, россиялик Карен Хачанов иккинчи ракетка сербиялик Новак Жоковични мағлуб этишнинг уддасидан чиқди.

Бир соату 37 дақиқа давом этган баҳс якунида Хачанов номдор рақибидан 7/5, 6/4 ҳисобида устун келиб, Париж “Мастерс” турнири ғолибига айланди. Rolex Paris Masters турниридаги муваффақиятли иштирок 22 ёшли Хачановга 1000 рейтинг очкоси ҳамда 973,480 евро мукофот пули тақдим этди.