24 мар 10:38
Янгиликлар

Бокс/ММА

Пэдди Пимблетт навбатдаги жанги санасида Дана Уайт билан келишиб олди

UFC президенти Дана Уайт UFC Fight Night 270 турниридан кейин ўтказилган матбуот анжуманида шу ҳақда хабар берди.

Промоушен раҳбари журналистнинг енгил вазн тоифасида UFC вақтинчалик чемпионлиги учун собиқ даъвогар англиялик Пэдди Пимблеттнинг октагонга қайтиш санаси ҳақидаги саволига жавоб берар экан, шу саволни ўша пайтда залда бўлган Пэддининг ўзига берди.

Дана Уайт: Сен [Пэдди] қачон яна жанг қилмоқчисан?

Пэдди Пимблетт: Умид қиламанки, бу Халқаро жанг ҳафталиги бўлади.

Дана Уайт: Хўп, бўлди келишдик. Ҳа, бу яхши эшитилади. У қачон жанг қилишни хоҳласа, биз уни яна кўришдан хурсанд бўламиз.

Аввалроқ, Пэдди Пимблетт Илия Топурия ва Жастин Гэтжи ўртасидаги жанг анонсига муносабат билдирган эди.