Пэдди Пимблеттга жанг берилди, у рақамланган турнирда октагонга чиқади

Мағлубият нималигини билмай келаётган британиялик аралаш яккакураш устасига жанг берилди, у рақамланган UFC 314 турнири доирасида октагонга чиқади. Тез кунда ушбу жанг ташкилот томонидан расман эълон қилинади. 

"Мен жангга тайёрман. Жанг ҳақида ҳали ҳеч ким билмайди. Лекин менда барча маълумотлар бор - рақиб, жанг санаси ва манзили. Тез кунда бу расман эълон қилинади. Мен диетага ўтирдим ва машғулотларни бошлаб юбордим. Ихтиёримда тайёргарлик кўриш учун 9 ҳафта бор. Шундай экан, бемалол ортиқча вазнни ташлай оламан", - деди бритаиялик UFC жангчиси ўзининг навбатдаги подкастида. 

Катта эҳтимол билан Пэдди Пимблетт 12 апрель куни Майамида ўтказиладиган UFC 314 турнири доираисда октагонга чиқади. Мағлубият нималигини билмай келаётган 30 ёшли Пэдди енгил вазн тоифаси рейтингида 12-ўринни эгаллаб турибди. У UFC`да қаторасига 6 та ғалабали серия билан келмоқда. Сўнгги жангида америкалик Бобби Гринни биринчи раунддаёқ учбурчак усулида мағлубиятга учратганди.