08 фев 15:04
Янгиликлар

Олимпия ўйинлари

Пекин-2022. Кентен Фийон-Майе – биатлон бўйича индивидуал пойгада янги Олимпиада чемпиони!

Хитойда давом этаётган қишки Олимпия ўйинларида биатлон бўйича индивидуал пойга баҳслари якунига етди.

20 км масофага ўтказилган пойгада франциялик Кентен Фийон-Майе ғалаба қозонди. Иккинчи ўрин белоруслик Антон Смольскийга насиб этган бўлса, учинчи поғонадан норвегиялик Йоханнес Бйо жой олди.

Франциялик спортчи учун бу медаль Олимпия ўйинларидаги иккинчиси бўлди. У 3 кун аввал ўтказилган аралаш эстафетада терма жамоаси билан кумуш медални қўлга киритган эди. Иккинчи ўриндаги Антон Смольский эса фаолиятида илк бор Олимпиада медалига эга чиқди.

Йоханнес Бйо ўз ҳисобига Олимпия ўйинларидаги 5-медалини қўшиб қўйди. У Пхёнчхан Олимпиадаси чемпиони (индивидуал пойга) ҳисобланади. Шунингдек, Бйо Пхёнчхан-2018 Олимпиадасида 2 та кумуш медаль соҳиби ҳам бўлган. Бир неча кун аввал ўтказилган аралаш эстафетада Йоханнес терма жамоаси билан чемпионга айланган эди.

Пекин-2022. Биатлон индивидуал пойга 20 км

1. Кентен Фийон-Майе (Франция) – 48.47,4 (2)

2 Антон Смольский (Беларусь) – 14,8 (0)

3. Йоханнес Бйо (Норвегия) – 31,1 (2)