Пекин-2022. Олимпиада совриндори, 4 карра жаҳон чемпионида ковид аниқланди

Тоғ чанғиси бўйича Норвегия терма жамоасининг етакчиларидан бири, иккикураш бўйича Пекин Олимпиадасида иштирок этиши кутилган Ярль Магнус Рийбернинг коронавирус учун топширган ПЦР-тести ижобий натижа берди. 

Рийбер Олимпиада-2018 кумуш медали соҳиби, тўрт карра жаҳон чемпиони ҳисобланади. Норвегияликнинг ҳар иккала ПЦР-тест жавоби ҳам спортчида вирус борлигини тасдиқлаган. Мутахассислар томонидан Магнус бир нечта олтин медаллар учун даъвогарлик қилаётганди.  

"Йигитлар, олтин медаллар энди сизларники", — дея ўзининг Инстаграм саҳифасида сурат ва унинг остида изоҳ қолдирган Рийбер.

Эътиборлиси, Норвегия терма жамоасининг олти нафар аъзоси Рийбер билан "контакт"да бўлган. Улар орасида биатлончи Ингрид Ландмарк Тандреволд, Йоханнес Бё, сноубордчилар Монс Ройсланд, фристайлчи Йоханна Килли, трамплиндан сакраш устаси Анна Одине Стрём ва Рийбернинг жамоадоши Йорген Гробак бўлган.