Пекин-2022 Олимпиадаси ҳақида умумий маълумотлар. Вақти, трансляция ва ўзбекистонлик спортчи

Коронавируснинг янги тўлқини ва Олимпиадани бекор қилиш борасидаги дипломатик бойкотларга қарамай, Олимпия ўйинлари бекор қилинмайди.

Медаллар қачон ва қандай ўйналади? Қишки Олимпия ўйинлари дастурга қандай спорт турлари қўшилди? Хитой қандай муаммоларга дуч келди? Ушбу мақола орқали мана шундай саволларга жавоб берамиз.

Олимпия ўйинлари қачон бўлиб ўтади? 

Бир йилга кўчирилган Токио-2020 Ёзги Олимпия ўйинларидан фарқли ўлароқ, Пекин-2022 ўз вақтида бўлади. Кечиктириш масаласи бир неча бор кўтарилган бўлсада,  Хитой расмийлари ва ХОҚ мусобақа ўз вақтида ўтказилишига ишонч билдиришмоқда.

Ташкилий қўмита Аньян шаҳрида локдаун эълон қилинганига муносабат билдириш орқали ўзини суғурта қилган бўлса ҳам (5,5 миллион киши) “омикрон” штамми билан касалланишнинг энг ёмон ҳолати қайд этилса, Ўйинлар жадвалида ўзгариш бўлиши мумкинлигини таъкидлашди.

Олимпия ўйинларининг очилиш маросим 2008 йилги Ёзги Олимпиаданиг очилишига мезбонлик қилган Пекиндаги Миллий стадионда бўлиб ўтади. «Қуш уяси» деб номланган ушбу арена барчамизга яхши таниш. Очилиш маросими 4 февраль куни Тошкент вақти билан соат 17:00 да бошланади.

Мусобақа доимгидек, очилиш маросимидан олдин старт олади: Кёрлинг бўйича баҳслар 2 февралда, хоккей ва фрицтайл беллашувлари эса 3 февралда бошланади. Фигурали учиш баҳсларининг старти (жамоавий баҳс) 4 феврал кунига белгиланган . Биринчи медаллар жамланмаси 5 февраль куни қуйидаги спорт турларида ўйналади: биатлон, конькида учиш, чанғи пойгаси, трамплиндан сакраш, фристайл ва шорт-трекда.

Ўзбекистонда қишки Олимпия ўйинлари намойиш этиладими?

Тўрт йилликнинг энг йирик мусобақасини МТРК сотиб олди ва эндиликда ўзбекистонлик қишки спорт мухлислари ҳам бўлажак Олимпия ўйинларини жонли эфирда кўриш имконига эга бўлишади.

Пекинда бўлиб ўтадиган ХХIV қишки Олимпия ўйинларида Ўзбекистон шарафини ҳамюртимиз Комил Тўхтаев ҳимоя қилади. У тоғ чанғи мусобақаларида иштирок этади.

Олимпиада мусобақалари қаерда бўлиб ўтади - шаҳарлар ва ареналар?

Олимпиада баҳслари учта ҳудудда жойлашган 15 та аренада ўтказилади: Пекин Чжанцзякоу ва Яньцин шаҳарларида.

Пекинда хоккей, фигурали учиш, шорт-трек, кёрлинг, конькида учиш ва фристайл бўйича мусобақалар ўтказилиши кутилмоқда. Чжанцзякоуда - чанғи, трамплиндан сакраш, биатлон, сноуборд ва фристайлнинг эркин турлари бўйича. Яньцинда тоғ чанғиси, бобслей ва чанғи спорти бўйича баҳслар бўлиб ўтади.

Спортчиларнинг объектларга етиб бориши ва ўз хоналарига қайтиши учун қулайлик яратиш мақсадида ҳар бир вилоятда алоҳида олимпия қишлоғи (жами учтаси бор) қурилган. Чанғи пойгаси беллашувларидан сўнг спортчилар чанғи билан қишлоққа тушишлари учун мўлжалланган.