Перейра Аспиналлнинг UFC камаридан воз кечиш қароридан сўнг мухлислардан ёрдам сўради

Бразилиялик собиқ чемпион ўзига навбатдаги рақибни танлашда айнан мухлисларидан ёрдам сўрамоқда.

"Мен ҳозир Вегасдаман ва жанг қилишни жуда хоҳлайман. Бу йил яна битта жанг ўтказмоқчиман ва сизларнинг фикрингизни билмоқчиман, чунки у жуда муҳим.

Бу ташкилот учун ҳам навбатдаги рақибни танлашда муҳим аҳамиятга эга. Ҳамма биладики, мухлислар ва омманинг таъсири катта.

Шунинг учун, сизлардан изоҳларда навбатдаги рақибим ким бўлиши кераклиги ҳақидаги фикрларингизни ёзиб қолдиришингизни сўрайман", — деди Перейра ижтимоий тармоқларда эълон қилинган видеода.

Аввалроқ "Poatan" UFC Brasil'ga берган интервюсида 14 ноябрь куни Нью-Йоркда бўлиб ўтадиган UFC 334 турнирида Сирил Ган билан учрашишни исташини маълум қилганди. 

Эслатиб ўтамиз, у июнь ойида вақтинчалик чемпионлик камари учун бўлган жангда Ганга техник нокаут эвазига мағлуб бўлганди. Шунингдек, у ярим оғир вазн тоифасига қайтиш имкониятини ҳам истисно этмади.

Том Аспиналл камаридан воз кечиш қарорини кўзининг қайта жароҳатлангани билан изоҳлади, бу эса унинг октагонга қайтишига имкон бермаяпти.