Перейра Жош Хокитнинг "вызов"ига "ответ" қилди

"Аслида бунга ҳеч қандай эҳтиёж йўқ. У шунчаки ўзини реклама қилмоқчи, буни ўзига хос усулда амалга оширмоқда. Ўйлайманки, у менинг исмимни тилга олса, дарҳол эътибор қозонишини яхши билади. Айнан шундай ҳам бўлди. Унинг Оқ уйда ўтган турнирдаги ўз жанги ҳақида балки камроқ гапирилган бўларди, лекин мени тилга олиши билан қандай натижа беришини у тушуниб турибди. Шундай экан, бу ақлли ҳаракат бўлиши мумкин, аммо у нотўғри йўл билан амалга оширилди", – деди бразилиялик жангчи The MacLife нашрига берган интервьюсида.

Америкалик жангчининг режасига кўра, у ва "Поатан" ўртасидаги жанг ғолиби оғир вазнда британиялик Том Аспиналл ва франциялик Сирил Ган ўртасида бўлиб ўтадиган бирлаштирувчи жанг ғолибига навбатдаги рақиб бўлиши керак эди. Ушбу жанг жорий йилнинг кузида UFC`нинг рақамли турнирларидан бирининг марказий воқеаси бўлиши кутилмоқда.