Перейра UFC 320 олдидан Анкалаев билан бўлаётган можаро ҳақидаги саволга жавоб берди

"Мен рақибларим билан можаролардан қочишга ҳаракат қиламан. Ҳатто жанглардан кейин ҳам улар билан дўстона муносабатда бўлишга уринамиз. Сиз буни кўргансиз. Мен собиқ рақибларим билан биргаликда машғулотлар ҳақида ҳам гапирганман. Нимага шундай бўлаётганини билмайман. 

Унинг айтишича, ундан қочаяпман, у билан жанг қилгим келмаяпти. Лекин бу ҳеч қачон ҳақиқат бўлмаган. Ҳаммамиз яхши биламизки, UFC бу жангни истамаган. Бу мен сабабли эмас. У билан менинг ҳеч қандай муаммом йўқ. Мен доим дўстона бўлишга ва можаролардан қочишга ҳаракат қиламан", — дейди Перейра.