16 ноя 14:08
Янгиликлар
Бокс/ММА
Петр Ян UFC билан уч йиллик шартнома имзолади + ФОТО
Энг енгил вазнда собиқ UFC чемпиони Петр Ян келаси ҳафта камар ови учун яна октагонга қайтади.
Россиялик аралаш яккакураш устаси дунёнинг энг кучли Лигаси билан уч йиллик шартнома имзолади. Бу ҳақда Яннинг ўзи ижтимоий тармоқдаги саҳифаси орқали хабар берди.
"Бугун UFC билан янги шартнома имзоладим. Уч йил тиғиз меҳнат. Мени изламанглар. Ҳаммангизни яхши кўраман!", - дея сурат ва унинг остида изоҳ қолдирган Петр Ян.
Эслатиб ўтамиз, 31 ёшли Ян шу йилнинг март ойида хитойлик Сонг Ядонгни очколар ҳисобига кўра мағлубиятга учратиб, ўзининг учта мағлубиятдан иборат ёқимсиз сериясига якун ясаганди. У 23 ноябрь куни Макаода ўтказиладиган UFC Fight Night 248 турнирида яна бир собиқ чемпион бразилиялик Дейвесон Фигередога қарши октагонга кўтарилади. Петр айни пайтда UFC рейтингида 3-ўринни эгаллаб турибди.
Ҳавола :
Манба : fighttime
Фикрлар