12 июн 09:56
Янгиликлар

Бокс/ММА

Петтис 45 ёшли Андерсон Силвани октагонга чорлади

Енгил вазнда собиқ UFC чемпиони Энтони Петтис 45 ёшли фахрий жангчи Андерсон Силва билан жанг ўтказиш истагини билдирди.

Андерсон ўрта вазн тоифасининг собиқ жаҳон чемпиони ҳисобланади.

"Шараф учун жанг", — дея "Инстаграм"да хабар қолдирган ҳамда қўшимчасига "Андерсон Силва" ва "185" хештэгини илова қилган Петтис.

Бу билан америкалик жангчи Силвага қарши баҳс учун ўрта вазн тоифасига кўтарилиш истагида эканлигини билдирган.

Андерсон Силва бу таклифга ижобий жавоб билдирган.

"Дўстим, бу ажойиб жанг бўлади. Кел, бу жангни мухлисларга тақдим этамиз", — деди бразилиялик.

Маълумот учун, Петтис сўнгги жангини ўтган ойда ярим ўрта вазнда Дональд Серронега қарши ўтказиб, ғалаба қозонган эди. Силва эса май ойида Жаред Канонньега ютқазиб қўйганди.