Полиция собиқ жаҳон чемпиони Жервонта Дэвисни ҳибсга олди

Полиция маҳкамаси 14 январь куни 31 ёшли америкалик боксчини калтаклаш, ноқонуний озодликдан маҳрум қилиш ва ўғирлашга уринишда айбдор деб ҳисоблаб, ҳибсга олиш учун ордер берганди. Суратда Дэвисга Балтимор полицияси 2023 йилда жабрланганлар билан йўл-транспорт ҳодисасини содир этиш бўйича жиноий иш доирасида ҳамроҳлик қилмоқда.

Дэвис ҳибсга олинган ва унга аллақачон 16 минг доллар гаров пули тайинлангани айтилмоқда. Бироқ ҳозирча унга қўйилган айбловлар бўйича боксчи қандай жазога тортилиши мумкинлиги маълум қилинмаган.

Енгил вазн тоифасида WBA чемпиони Жервонта Дэвис ноябрь ойида Жейк Полга қарши кўргазмали жанг ўтказишни режалаштирган эди, октябрь ойи охирида унинг аёл таниши боксчига қарши айблов қўйди.

Пол билан жанг бекор қилинган, кейинроқ полиция жабрланувчи ишлаган клуб яқинидаги кузатув камералари ёзувларини ўрганиб чиққач, иш қўзғатган. Шунингдек, қиз Дэвисга қарши алоҳида фуқаролик даъвосини қўзғатган.

Полиция Дэвисни айбдор деб эълон қилганидан сўнг, WBA уни чемпионлик камаридан маҳрум қилди ва унга "таътилдаги чемпион" мақомини берди. Бу Дэвисга рингга қайтганидан кейин чемпионлик учун жанг қилиш имкониятини беради.