25 авг 10:23
Янгиликлар

Порье Фергюсонга қарши жанги Хабиб - Гэтжи оқшомида бўлишига шаъма қилди + ФОТО

Енгил вазнда собиқ вақтинчалик UFC чемпиони Дастин Порье кейинги жангини 24 октябрь куни ўтказишини маълум қилди.

Айнан шу куни бутун ММА олами орзиқиб кутаётган UFC 254 турнири бўлиб ўтади. Оқшомнинг марказий жангида енгил вазн UFC чемпиони Хабиб Нурмагомедов вақтинчалик чемпионлик камари соҳиби Жастин Гэтжига қарши октагонга кўтарилади.

Порье "Твиттер"да савол тариқасида шу сўзларни ёзиб қолдирди: "2 ой?".

Бу билан Дастин роппа-роса икки ойдан сўнг ўтказиладиган UFC 254 турнирига шаъма қилган. Шу билан бирга ижтимоий тармоқда ElDiamante хештегини белгилаган. Бу билан у навбатдаги жанги Тони Фергюсонга қарши ўтказилишини ҳам яширинча анонс қилиб кетган.

Эслатиб ўтамиз, икки кун аввал UFC президенти Дэна Уайт Порьенинг кейинги жанги Тони Фергюсонга қарши бўлиб ўтишини айтган эди.