Португалия термасида бир футболчидан бошқа барча Ўзбекистонга қарши майдонга тушишга тайёр

Танқидчилар 41 ёшли ҳужумчининг майдондаги фаоллиги пасайганини айтишаётган бўлса-да, мураббий унинг жамоа учун аҳамиятини юқори баҳолади.

"Криштиану — ўз ишига тўлиқ содиқ инсон," — деди у. "Тезроқ тикланиш, ўйинга тайёргарлик кўриш ва машғулот ўташ борасида у барчамиз учун энг катта намунадир. Бу унинг олтинчи Жаҳон чемпионати ва у узоқ вақтдан бери ўз ватани учун курашиб келмоқда. Мен ҳозирча асосий таркибни айта олмайман, чунки бу ҳақда ҳали ўз футболчиларимга маълум қилганим йўқ."

Португалия учун ижобий янгилик шундаки, жароҳати сабаб биринчи ўйинни ўтказиб юборган ҳимоячи Рубен Диаш тўлиқ соғайди ва машғулотларга қайтди. Мартинеснинг маълум қилишича, Томас Араужодан ташқари барча футболчилар Ўзбекистонга қарши баҳсга тайёр.