10 сен 16:10
Янгиликлар
Бокс/ММА
Промоутер: "Фьюри Усикни мағлуб этишни истаса, 5 йил кутиши керак"
Супероғир вазн тоифасида WBA, IBF ва WBO чемпиони Александр Усикнинг промоутери Александр Красюкнинг фикрига кўра, Тайсон Фьюри яқин йилларда унинг мижозини мағлуб эта олмайди.
"Нима деб ўйлайсиз, Фьюри вақтни тўхтатиб қолиши мумкинми? 12 августда уни туғилган куни билан табрикладим. Усик айни дамда энг яхши ҳолатида. Агарда Фьюри уни мағлуб этишни истаса, 5 йил кутиши керак. Усик 2-3 йил шундай ҳолатда бўлади. У ҳозир 36 ёшда, супероғир вазнли боксчи учун олтин даврлар.
Ёддан чиқарманг, Усик 15 ёшидан буён боксда. Унинг жамоаси шунчаки йиғилган инсонлар эмас. Улар Александрнинг фаолиятини жуда зўр ўрганаётган тажрибали мутахассислар. Улар бир-бирларини ҳам, боксчини юқори даражада ушлаб туришни ҳам яхши билишади", - деди Красюк.
Ҳавола :
Манба : ProBoxTV
Фикрлар