Прохазка Аспиналлнинг қарори ҳақида: "Бу психология масаласи – Том жуда кўп ўйлади"

Аммо шунинг баробарида ўзи бу вазиятда бошқача йўл тутишига ишончи комил эканини яширмаятпи.

"Фикрим - мен ҳар доим жангни тугатишни хоҳлайман. Мен жангда ғалаба қозонмоқчиман. Шунчаки менга озгина вақт беринг - мен тикланаман ёки рефлекслар ва ички хотиржамлик билан жанг қилишни давом эттираман. Барча одамлар бу жангни кўриш учун келишди - айниқса асосий жангни.

Эҳтимол, Том жуда кўп ўйлай бошлагандир. Масалан: "Мен у билан жанг қилиш учун яхши ҳолатда эмасман, кейинги сафар яхшироқ тайёр бўламан". Бу шунчаки психология масаласи бўлиши мумкин. Бундай вазиятларда шундай ўйлай бошлаганингизда, бу жангнинг боришини ўзгартириши мумкин. Ростдан ҳам билмайман. Балки ҳаммаси жуда жиддий бўлгандир. Яхшиси Томдан сўранг", - деди чехиялик жангчи Майкл Биспинг билан подкастда.

Прохазка шу йилнинг январь ойида Инглвудда бўлиб ўтган UFC 311 турнири доирасидаги Жамал Хиллга қарши октагонга чиққанди. Ўшанда Хилл унинг кўзига бармоқларини суқиб олганди. Жангни давом эттирган чехиялик учинчи раундда техник нокаут эвазига ғалаба қозонган эди.

"Шифокорлар билан худди менда ҳаммаси жойидагидек ўйин ўйнайман. Агар кимдир шу туфайли жангни тўхтатмоқчи бўлса, ҳеч қачон бунга йўл қўймайман. Кўзга санчиш туфайли жангни тўхтатиш мумкин эмас. Менинг яна бир кўзим бор. Биз ғалаба қозониш учун шу ердамиз. Биламан, қоидалар бор, лекин бу ҳақиқий эркаклар спорти. Бу жанг. Сен кўз билан уришасан, кўзсиз уришасан - фарқи йўқ. Мен учун жанг охиригача давом этади", - деди Прохазка.