03 июн 14:42
Янгиликлар

Футбол

ПСЖ бош мураббийи ҳам жамоадан кетади

ПСЖ бош мураббийи Кристоф Гальтье мавсум охирида ўз лавозимини тарк этади, деб хабар берди "L'Equipe".

У ўтган ёздан бери жамоани бошқариб келаётганди. 56 ёшли мутахассиснинг шартномаси тугашига яна бир йил қолди. Янги мураббий қатарликлар бошқарувидаги ПСЖнинг саккизинчи мураббийи бўлади.

Гальтье бошчилигида жамоа Франция чемпионлигини қўлга киритди. Чемпионлар Лигаси ва Франция Кубоги плей-оффида чиқиб кетди. Бугун ПСЖ Франция чемпионатининг сўнгги турида "Клермон"га қарши майдонга тушади.