ПСЖ қаторасига иккинчи йил ҳам ЕЧЛ финалида!

Германия чемпионлигини муддатидан аввал ҳал қилиб улгурган "Бавария" Мюнхенда Франциянинг ПСЖ клуби билан 1:1 ҳисобида дуранг ўйнади. "Олтин тўп" соҳиби Усман Дембеле 3-дақиқадаёқ меҳмонларни ҳисобда олдинга олиб чиқди. Асосий вақтга қўшиб берилган тўртинчи дақиқада Харри Кейн мувозанатни тиклади. 

Бу икки жамоанинг Парижда ўтган драматик "отишмаси"да французлар битта тўп фарқи билан зафар қучишганди - 5:4! 

Энди ПСЖ ЕЧЛ бош соврини учун Лондоннинг "Арсенал" клубига қарши майдонга тушади. "Канонирлар" кеча икки ўйин натижасига кўра "Атлетико"ни мусобақадан чиқариб юборишган эди. Финал 30 май куни Венгриянинг Будапешт шаҳридаги "Пушкаш Арена"да бўлиб ўтади. 

“Бавария” – ПСЖ 1:1 (Биринчи ўйин - 4:5)

Голлар: 3 - Усман Дембеле, 90+4 - Харри Кейн

“Бавария”: 1. Мануэль Нойер, 44. Йосип Станишич (19. Альфонсо Дэвис, 67’), 2. Деотшанкюль Упамекано (42. Ленарт Карл, 85’), 4. Жонатан Та (3. Ким Мин Жэ, 68’), 27. Конрад Лаймер, 6. Йошуа Киммих, 45. Александар Павлович, 17. Майкл Олисе, 10. Жамал Мусиала (11. Николас Жексон, 79’), 14. Луис Диас, 9. Харри Кейн.

ПСЖ: 39. Матвей Сафонов, 5. Маркиньос, 51. Вильям Пачо, 25. Нуну Мендеш (24. Сенни Маюлу, 85’), 87. Жоау Невеш, 17. Витинья, 33. Уоррен Заир-Эмери, 8. Фабиан Руис (4. Лукас Бералдо, 76’), 14. Дезире Дуэ (21. Лукас Эрнандес, 76’), 10. Усман Дембеле (29. Брэдли Барколья, 65’), 7. Хвича Кварацхелия.

Огоҳлантиришлар: 8 - Нуну Мендеш, 33 - Йосип Станишич, 45+3 - Хвича Кварацхелия, 78 - Луис Диас, 86 - Маркиньос