24 мар 07:29
Янгиликлар

Спорт курашлари

PWL 11. Лайлохон Собированинг рақибаси маълум бўлди + ПОСТЕР

Хабарингиз бор, 27 март куни пойтахтимиздаги "Ҳумо Арена"да жаҳон спорт курашлари юлдузлари иштирокидаги PWL 11 турнири бўлиб ўтади.

Ташкилотчилар томонидан оқшомнинг яна бир қизиқарли беллашуви эълон қилинди. Аёллар кураши бўйича 59 кг вазн тоифасида Осиё вице-чемпиони Лайлохон Собирова Қирғиз Республикаси вакили Сезим Жуманазаровага қарши гиламга чиқадиган бўлди.

Бу икки курашчи бир-бирларини жуда яхши билади, улар бир неча бор халқаро мусобақаларда ўзаро тўқнаш келишган. Айни пайтда Лайлохон UWW жаҳон рейтингида 14300 очко билан 11-ўринни эгаллаб турибди. Жуманазарова эса ҳали Топ-25`таликда йўқ.