Пётр Ян Двалишвили - Сэндхаген жангида захира варианти бўладими? Унинг ўзи жавоб берди

Аммо Яннинг ўзи грузиялик чемпион Мераб Двалишвили ҳамда америкалик даъвогар Кори Сэндхаген ўртасидаги жангни кафолатлаш истагида эмас. Ушбу чемпионлик жанги 4 октябрь куни АҚШнинг Лас-Вегас шаҳрида бўлиб ўтади. 

"Бу борада савол беришганида мен ўз жавобимни бергандим. Яъни, таклиф бўлса, уни қабул қилардим. Лекин таклиф бўлмади. Шу сабабдан жангни томоша қилиб, ундан роҳат оламан. Агар ҳозирги ҳолатдан келиб чиқилса, ҳа, мен чемпионлик жанги учун муносибман. Кўрамиз, чемпионлик жангидан кейин воқеалар қандай ривожланар экан. UFC`нинг ўз режалари ва "ўйинлари" бор. Менежерларим билан маслаҳатлашамиз, жанг қилишим керак бўлса, уришавераман", – деди Ян.

Маълумот учун, шу йилнинг июль ойида Пётр Ян кетма-кет учинчи ғалабасини қўлга киритганди. Ўшанда у америкалик Маркуса Макгини очколар ҳисобига кўра таслим этган эди. Айни пайтда россиялик аралаш яккакураш устаси дивизион рейтингининг учинчи поғонасини эгаллаб турибди.