09 окт 10:02
Янгиликлар

Бокс/ММА

Пётр Ян: "Мовсарнинг Волкни мағлуб этиш учун иккита варианти бор"

UFC`нинг енгил вазн тоифасидаги амалдаги чемпиони Пётр Ян ҳамюрти Мовсар Евлоев бўлажак чемпионлик жангида Александр Волкановскини очколар ҳисобига кўра мағлуб эта олишига ишонмайди.

"Агар Волкановски яхши формада, яхши кондицияда бўлса, Мовсарга осон бўлмайди. Демак, Мовсар Волкановскини енгиши учун уни ё сабмишен (бўғиш ёки оғритиш усули) билан таслим этиши ёки нокаутга учратиши керак бўлади. Шу икки вариант.

Волкановски кўпроқ стойкада (тик турган ҳолда) ишлайди, яхши ҳимояланади. Ислам Махачев билан бўлган биринчи жангда у ўзини партерда ушлаб туриш осон эмаслигини кўрсатди. Бу қизиқарли жанг, унда мен 55 га 45 нисбатда Волкановскига устунлик бераман, лекин ёш ва мотивацияга тўла Мовсар бугунги Волкановскини енгиши керак", — деди россиялик спортчи UFC Eurasia`га берган интервьюсида.

Ярим енгил вазн тоифасидаги Александр Волкановски ва Мовсар Евлоев ўртасидаги чемпионлик жанги 24 октябрь куни Абу-Дабида бўлиб ўтадиган UFC 333 турнирининг марказий воқеаси бўлади. Пётр Ян эса ушбу рақамли турнирнинг иккинчи асосий жангида чемпионлик камарини Мераб Двалишвилига қарши ҳимоя қилади.