Қарши “Фьючерс”. Бош соврин Ҳиндистонга кетди

Соврин жамғармаси 25 000 АҚШ долларини ташкил қилувчи мусобақада Сакет Минени бош мукофотни қўлга киритди. У ҳал қилувчи финал учрашувида мусобақада еттинчи рақам остида ҳаракат қилган беларуслик Ярослав Шилани 4:6, 6:3, 7:6(4) ҳисобида мағлуб этди. 

Маълумот учун, истеъдодли ёш теннисчимиз Жўрабек Каримов чорак финалда турнирнинг биринчи ракеткаси япониялик Хироки Морияни 6:4, 7:6(6) ҳисобида мағлуб этган ва финал чиптаси учун кечган баҳсда айнан Сакет Миненига 7:6(3), 6:7(5), 3:6 ҳисобида ютқазиб қўйган эди.