Қарши “Фьючерс”. Етти нафар теннисчимиз асосий тўрда

Соврин жамғармаси 25 000 АҚШ долларини ташкил қилувчи мусобақанинг яккалик баҳсларида етти нафар ҳамюртимиз - Нигина Абдураимова, Оқгул Омонмуродова, Албина Хабибулина, Севил Йўлдошева, Ясмина Каримжонова, Шахноза Хотамова ва Камола Умарова ўз имкониятини синовдан ўтказади. 

Турнирнинг биринчи ракеткаси сифатида сербиялик Йованна Якшич ҳаракат қилади. Россиялик Ксения Ликина иккинчи рақам остида ҳаракат қилади. Ҳамюртларимиздан Нигина Абдураимова тўртинчи, Оқгул Омонмуродова эса саккизинчи ракетка сифатида қайд этилган. 

Қуръа натижасига кўра Абдураимова илк даврада россиялик Маргарита Лазаревага, Омонмуродова қирғизистонлик Ксения Палкинага, Хабибулина Ликинага, Умарова ҳиндистонлик Пранжала Ядлапаллига, Хотамова россиялик Ольга Дорошинага, Кариможонова яна бир рус теннисчиси Полина Голубовскаяга, Йўлдошева эса россиялик Ангелина Габуевага қарши кортга чиқади.