27 апр 08:34
Янгиликлар

Теннис

Қарши “Фьючерс”. Жўрабек Каримов биринчи ракеткани мағлуб этди

Қарши шаҳрида ўтказилаётган теннис бўйича “Фьючерс” туркумига кирувчи турнир ўзининг қизғин палласига кирди.

Соврин жамғармаси 25 000 АҚШ долларини ташкил қилувчи мусобақада чорак финал учрашувлари якунланиб, ярим финалга йўл олган тўрт теннисчининг номи маълум бўлди. Улардан бири ўзбекистонлик теннисчилардир.

Истеъдодли теннисчимиз Жўрабек Каримов турнирнинг биринчи ракеткаси япониялик Хироки Морияга қарши кортга чиқиб, кучли рақибини 6:4, 7:6(6) ҳисобида мағлуб этди. Энди у финал чиптаси учун ҳиндистонлик Сакет Минени билан ҳисоб-китоб қилади.

Мамлакатимизнинг иккинчи ракеткаси ҳисобланган Санжар Файзиев эса мағлубият аламини тотиб кўрди. У ярим финал остонасида турнирнинг иккинчи рақамли теннисчиси россиялик Константин Кравчукка икки сетда ҳам бир хил 4:6 ҳисобида ютқазиб қўйди.