28 апр 08:43
Янгиликлар

Теннис

Қарши “Фьючерс”. Жўрабек Каримов ярим финал учрашувини ўтказди

Қарши шаҳрида ўтказилаётган теннис бўйича “Фьючерс” туркумига кирувчи турнир ўз якуни сари яқинлашмоқда.

Соврин жамғармаси 25 000 АҚШ долларини ташкил қилувчи мусобақада ярим финал учрашувлари якунланиб, финалга йўл олган икки теннисчининг номи маълум бўлди. Улардан бири ўзбекистонлик теннисчи бўлиши мумкин эди.

Истеъдодли теннисчимиз Жўрабек Каримов чорак финалда турнирнинг биринчи ракеткаси япониялик Хироки Морияни 6:4, 7:6(6) ҳисобида мағлуб этганди. Афсуски, финал чиптаси учун кечган баҳсда ҳиндистонлик Сакет Миненига 7:6(3), 6:7(5), 3:6 ҳисобида ютқазиб қўйди.

Иккинчи ярим финал учрашувида турнирнинг иккинчи ракеткаси россиялик Константин Кравчук мусобақада еттинчи рақам остида ҳаракат қилаётган беларуслик Ярослав Шилага 2:6, 6:7(5) ҳисобида имкониятни бой берди.