25 апр 09:17
Янгиликлар

Теннис

Қарши “Фьючерс”. Нигина ва Оқгул ғалаба билан бошлашди

Қарши шаҳрида “Фьючерс” туркумига кирувчи хотин-қиз теннисчилар ўртасидаги турнирнинг асосий тўр баҳслари давом этмоқда.

Соврин жамғармаси 25 000 АҚШ долларини ташкил қилувчи мусобақанинг тўртинчи ракеткаси бўлган ҳамюртимиз Нигина Абдураимова илк даврада россиялик Маргарита Лазаревани 6:3, 6:2 ҳисобида мағлуб этди. Саккизинчи рақам остида таснифланган Оқгул Омонмуродова эса қирғизистонлик Ксения Палкинадан 6:3, 7:5 ҳисобида устун келди.

Қолган теннисчиларимиз - Албина Хабибулина, Севил Йўлдошева, Ясмина Каримжонова, Шахноза Хотамова ва Камола Умарова биринчи даврада рақибаларига имкониятни бой бериб, яккалик баҳсларидаги иштирокларини якунлашди.