20 мар 17:02
Янгиликлар

Дзюдо

Қаршида янги дзюдо зали фойдаланишга топширилди ФОТОРЕПОРТАЖ

Қашқадарё вилояти маркази Қарши шаҳридаги "Хўжахиёл" МФЙ ҳудудида дзюдо спорт тури учун мўлжалланган ва янги қуриб битказилган "Дзюдо Арена" мажмуасининг тантанали очилиш маросими бўлиб ўтди.

Тадбирда вилоят ҳокимлиги, жисмоний тарбия ва спорт бошқармаси раҳбарияти ҳамда Ўзбекистон дзюдо федерациясидан вакиллар иштирок этишди.

Мазкур мажмуа дзюдо бўйича мураббий Фозил Холбозоровнинг 1 млрд 200 млн сўм шахсий маблағлари эвазига барпо этилди. Спорт залида бир кун давомида 200 нафар ёшлар дзюдо бўйича шуғулланишлари мумкин.

Терма жамоага номзод қашқадарёлик дзюдочилар, яқиндагина Қозоғистоннинг Актау шаҳрида ўтказилган Осиё очиқ кубоги совриндорлари - Фарангиз Холмуродова (-70 кг) ва Арслон Тожиев (-81 кг)га тўн кийдирилди.