11 янв 18:19
Янгиликлар

Дзюдо

Қатар "Мастерс". Биринчи кун медалсиз якунланди, лекин очко бор

Қатар "Мастерс" турнирининг биринчи кунги беллашувлари ўзбекистонлик дзюдочилар учун якунланди.

Афсуски, мусобақанинг биринчи куни дзюдочиларимиз учун бироз омадсиз келди. Бугун татамига чиққан тўрт дзюдочимизнинг ҳеч бири совриндорлар сафида жой ола билмади. Лекин чорак финалга етиб келган -60 кг вазн тоифасидаги дзюдочиларимиз - Шарофиддин Лутфуллаев ва Диёрбек Ўразбоев 468 рейтинг очкосини қўлга киритди.

Улар бронза медали йўлидаги ўтиш беллашувида мос равишда Россия ва Нидерландия дзюдочиларига ютқазиб қўйишди. Диёра Келдиёрова ва Сардор Нуриллаев ўз ҳисобларига 200 рейтинг очкосини қўшиб қўйишди.