Қатардаги UFC турнири бонус соҳиблари маълум

Оқшомнинг асосий жангида Дэн Хукерни иккинчи раундда қўл учбурчаги билан бўғиб қўйган Арман Царукян кафолатланган гонорардан ташқари қўшимча 50 минг долларлик мукофот пулига лойиқ кўрилди. 

Икки кунлик огоҳлантириш билан Шамил Газиевга жанг ўтказиб, биринчи раунддаёқ Баҳрайн вакилини нокаутга учратган Вальдо Кортес-Акоста ҳам турнир бонусисиз қолмади. Оғир вазндаги Вальдо уч ҳафта аввал Анте Делияни ҳам нокаутга эвазига мағлуб этганди. 

Лига раҳбарияти томонидан эътироф этилган яна бир нокаутнинг муаллифи ташкилотнинг британиялик дебютанти Люк Райли бўлди. У иккинчи раунднинг 30-сониясида австриялик Богдан Градни мағлуб этди. Тўртинчи бонус эса япониялик Киоджи Хоригучига насиб этди. Кунчиқар юрт вакили тўққиз йиллик танаффусдан сўнг ташкилотга қайтди ва учинчи раундда россиялик Тагир Уланбековни бўғиш усулида мағлубиятга учратди.