24 июл 00:03
Янгиликлар

Бокс/ММА

Қайғули хабар: Россиялик боксчи нокаутдан сўнг вафот этди + ВИДЕО

Россиялик 28 ёшли боксчи Максим Дадашев АҚШда ўтказган жангида олинган жароҳат сабаб вафот этди.

"Максим вафот этди. Унинг юраги дош бермади", - деди Дадашевнинг жамоаси аъзоларидан бири.

20 июль куни Дадашев Оксон-Хиллда Сабриэль Матиасга қарши жанг қилганди. Россиялик боксчи жанг давомида ташаббусни рақибига бериб қўйди. Сўнгги раундларга келиб эса бир неча маротаба оғир зарбаларни ўтказиб юборди. 11-раунддан сўнг Максимнинг жамоаси жангни тўхтатди. Жангдан сўнг боксчининг соғлиғи оғирлашди ва у шифохонага олиб кетилди. Кейин эса у тезкорлик билан операция қилинди. Сўнгра сунъий комага тушди. Аввалроқ, унинг ҳаётга қайта олиши ҳақида айтилганди. Бироқ, шифокорлар Дадашевнинг ҳаётини сақлаб қола олишмади. Бугун у бу дунёни тарк этди.

Дадашев проф боксда 14 та жанг ўтказиб, уларнинг 13 тасида (11 нокаут) рақибларини мағлуб этганди.

Ҳавола :

Манба : championat.com

Рейтинг: +1