Qazaqstan Barysy Grand Slam 2026. Бугун уч нафар оғир вазнли дзюдочимизга мухлислик қиламиз

Qazaqstan Barysy Grand Slam 2026 турнирининг учинчи куни эркаклар ўртасида -90, -100, +100 кг, аёлларда эса -78, +78 кг вазн тоифаларида ғолиб ва совриндорлар аниқланади. Терма жамоамиз аъзоларидан Дурдона Низомиддинова, Рамазон Аллаберганов ва Тўлқин Турдиев мусобақа медаллари ҳамда жаҳон рейтинги учун тақдим этиладиган қимматли очколар учун татамига чиқади. 

Икки кунлик баҳслардан сўнг Ўзбекистон терма жамоаси 1 та олтин ва 1 та бронза медали билан умумжамоа ҳисобида 6-ўринни эгаллаб турибди. Мусобақанинг биринчи куни Абдураҳим Нутфуллоев (-66 кг) олтин, Анваржон Иброҳимов (-66 кг) эса бронза медалини терма жамоамизга тақдим этганди. 

Биздан юқорида турган Россия, Қозоғистон ва Нидерландия терма жамоалари ҳисобида ҳам бир нафардан чемпион бор, фақат кумуш ҳамда бронза медаллар сони бўйича улар биздан тепада жойлашган.

Бугунги саралаш беллашувлари соат 11:30да бошланади. Дзюдочиларимизга ғалаба ва омад ёр бўлсин!

Дзюдочиларимзнинг илк давра беллашувлари:

+78 кг: Дурдона Низомиддинова — Жованна Сантос (Бразилия)

-90 кг: Рамазон Аллабердиев — Эниел Кэроли (Франция)

-100 кг: Тўлқин Турдиев — Никола Павловски (Македония)